Як вышэй напісаў, з Таранамі маю, відавочна, двайное сваяцтва - з Таранаў паходзіла Анастасія Карачун ці Каржанеўская - жонка Базыля з 1797 г.
А з яшчэ аднім сваяцтвам атрымоўваецца нейкая галаваломка:
У РС 1795 г. жонкай майго продка Кандрата Калечыца пазначана Ганна дачка Іахіма.
У 1753 г. Іахім удавец без пазначанага прозвішча ўзяў шлюб з Агатай Клімовіч.
15.09. 1759 г. ёсць запіс аб хросце Ганны, дачкі Іахіма і Агаты Таранаў з Дабрынёва. Хросная- Улляна Клімовічаўна. У гэтам жа годзе Улляна выйшла за Банькоўскага, але ў 1772 г. як Клімовічаўна- хросная ў Барбары, дачкі Кандрата і Ганны Калечыцаў.
У 1762 г. хрост Марыяны, дачкі Іахіма і Агаты Таранаў.
У 1778 г. Кандрат- хросны ў Яна сына Стэфана Тарана.
У 1796 г. Кандрат- сьведка пры шлюбе свайго сына Себасцьяна разам са Стэфанам Таранам.
У мк данілавіцкай царквы ў НГАБ знойдзен шлюб 23.01.1771 г. Кандрата Калечыца і Ганны...Шышкаўны Маладыя з Дабрынёва. Сам Кандрат- 1754 г.н. У 1786 г. там жа ёсць запіс хросту Марыны бацькоў Кандрата Калечыца і Ганны ізноў Шышкаўны. Хросные Захарэвіч з Тэкляй Тараноўнай.
І як глядзець на такія супадзенні? 
У Дабрынёва жылі Иахим з Агатай Тараны, у якіх была дачка Ганна. Іншай Ганны Іахімаўны не сустрэлася. Шышкі сустракаюцца ў Данілавічах у 1770-1780-я гг. У Дабрынёва- Шышак не сустракаецца. На пачатку 19 ст. трэба паглядзець, бачыў Шышкаўцоў дакладна, Шышак не памятаю..Акрамя таго, JP Лаўрэнты Шышка- хросны Камароўскага станькаўскай парафіі ў 1758 г. Але Іахіма Шышкі не сустракаецца. І яшчэ: ці магла выйсці замуж Таранаўна ў 11 гадоў (09.1759-01.1771)? Можа і сапраўды, Ганна была дачка нейкага Іахіма Шышкі, а суседзкія сувязі з Таранамі і факт нараджэння Ганны Іахімаўны Таранаўны- гэта супадзенне..
Можна дадаць яшчэ, што ў актах менскага магістрату хапае Таранкевічаў і Шышкаў, некаторыя прадстаўнікі гэтых родаў займалі розныя пасады ў магдэбургіі.
Дадам некаторую інфармацыю па Шышкам у адпаведнай тэме.
Сам запытаў, сам і знайшоў адказ
Хроснымі бывалі найчасьцей сваякі, у дробнай шляхты амаль заўсёды.
Шлюб, па-звычаю, адбываецца ў царкве/касьцёле адкуль жонка.
Вось пра апошні факт я зусім забыўся
І сапраўды - у метрыке шлюбу продкаў 1771 г. напісана Mlody z Dobryniowa - толькі малады. Значыць, Ганна- з данілавіцкай парафіі, дзе і сустракалісь Шышкі. Усе астатняе - супадзенне.
Падчас прагляду мэтрычных кнігаў з Вішнеўскага у. Сьвянцянскай губ. і Навапагосцкага у. Дзісненскай губ. (за пачатак ХХ ст.) заўважыў цікавую адметнасьць: у першым выпадку кідаецца ў вочы звычай, калі адзін хросны з сям'ю мужа, а другі - з сям'і жонкі;
І такое мне траплялася. Такім чынам, можна паспрабаваць правесці аналіз магчымага сваяцтва з хроснымі (ці сьведкамі шлюбу) продкаў у першыя захаваўшыяся гады ў метрычных кнігах, калі знайсці шлюбы ранейшых пакаленняў немагчыма:
у 1752 г. сьведкі пры шлюбу брата майго продка Дыянісія прысутнічаюць сьведкі Ян і Андрэй Доўнары. Пры хросце сына Дыянісія-Стэфана ў 1761 г.- зноў Андрэй Доўнар і Ксенія Юшкевічаўна. Такім чынам Доўнары прысутнічаюць у якасці сьведак ці хростаў абодвух Калечыцаў. А вось Ксенія Юшкевічаўна- кума ў Дыянісія яшчэ і ў 1751 г. пры хросце дачкі Марыяны і яшчэ ў 1756 г. таксама пры хросце дачкі Дыянісія і Таццяны- Агаты. У 1760 г. Ксенія ж- кума ў Андрэя Доўнара. У 1796 г. таксама сустракаецца шлюб паміж Юшкевічам і Калечыцаўнай.
Канешне, варыянты могуць быць розныя, але ж можна і меркаваць, што калі Доўнары прысутнічалі ў абодвух Калечыцаў, а Юшкевічаўна-толькі ў сям'і аднаго, то з Доўнараў, умоўна, магла паходзіць іх маці, напрыклад, а Юшкевічаўна-была народжанная Таццяна, жонка Дыянісія. Сваяцтвам ж з Доўнарамі можна патлумачыць і з'яўленне Калечыцаў у Дабрынёва ў 18 ст.- асеў на зямлі жонкі. А Доўнары як раз былі тут яшчэ з 17 ст.- Станіслаў Доўнар сярод зямян станькаўскіх у 1652 г.
Сцьвярджаць, канешне, усе гэта дакладна нельга, але ж і такое магло быць.
Language:
