Маркоўскі / Markowski / Марковский, Морковский

[Васiль Юрша]

Ашмянская шляхта.
Маркоўскія прайшлі рэгістрацыю ў АГС у 1801, 1804 і 1827гг., Маркоўскія гэрбу «Szeliga» - у 1823г.
У 18-19 ст. жылі ў Віштоках, Кібах, Раўнаполлі...
Мелі сваякоў сярод шляхты Мурашкаў, Войнюшаў, Грынцэвічаў..
Зацікаўлены ў новых зьвестках.

[Раман з Усходу]

З сярздзины 19 ст. частка маркоускiх жыве на Быхаушчыне. Зараз каля 15 - 20 сем`яу.

[Вітальд Ханецкі]

Існавала некалькі розных родаў Маркоўскіх.

1. Маркоўскія (гэрб не пазначаны) чынілі Вывад у Менскім ДДС 1826.03.26
    У дваранстве Расейскай імпэрыі не былі зацьверджаныя, бо падалі замала дакументаў і з-за таго, што спецыяльная рэвізійная
    камісія, якая правярала дзейнасьць Менскага ДДС, прызнала гэты Вывад памылковым.  Жылі у Пінскім павеце, былі прыхаджанамі   
    касьцелаў у Моладаве, Моталі і інш. 

[Вітальд Ханецкі]

2. Маркоўскія гэрбу "Шэліга" чынілі Вывад у Менскім ДДС 1802.12.29, дадатковы 1832.09.11, у дваранстве Расейскай Імпэрыі не былі
   зацьверджаны, запісаны  ў стан аднадворцаў. У ХІХ ст. жылі ў Вілейскім (Каласоўшчына, Забор'е, Мойсічы, Бярозавіцы, Груздава, 
   Пранцэвічы) і Ашмянскім (Вялікае Сяло, Сабілкі) паветах, былі прыхаджанамі касьцелаў у Красным, Маладзечне, Лебедзеве, Хожаве,
   Холхлаве. У канцы ХІХ ст. адна сям'я з'ехала ў Ціфліскую губ., яшчэ адна ў г.Палтаву на Украіне.

[Вітальд Ханецкі]

3. Маркоўскія гэрбу "Шэліга" чынілі Вывад у Менскім ДДС 1832.08.26.  Указам Сэнату 1841.07.01 №5622 яны не былі прызнаныя у
    дваранстве Расейскай Імпэрыі, бо падалі для доказу, на маю думку, фальшывыя дакумэнты з Ашмянскага Суда. Жылі ў Мазырскім
    павеце (Гарноўшчына, Германавічы, Курганы, Зарудоўе(Зарудня), Сьнядынь, Галубіца, Карытнічы(Картынічы), Макарычы). Усе былі
    прыхаджанамі Петрыкаўскага касьцела.

[Васiль Юрша]

Дзякую, цікава.
Маркоўскіх на Ашмяншчыне троху было.
Тыя, напрыклад, што жылі ў Кушлянах па суседству з Багушэвічамі, атрымалі прызнанне.
А ці ёсьць у Вас больш дакладныя звесткі пра ашмянскіх Маркоўскіх?

[Вітальд Ханецкі]

Па Маркоўских №2 есьць справа аб доказе шляхецтва, але пакуль не апрацоўваў яе, трэба дабраць метрык з касьцелаў, каб цікавей было... Калі што дакладна цікавіць, дык пішыце, можа штосьці і маецца...

[Васiль Юрша]

Па ашмянскіх Маркоўскіх цікавіць усё. Маю радавод Маркоўскіх з Кушлянаў і  мноства зьвестак па іншых. Ёсьць і некаторыя метрыкі.
На жаль ня ведаю ўсяго...
Спадзяюся на Вас.

[Раман з Усходу]

Калi ласка распавядзiце пра Быхаускае адгалiнаванне Маркоускiх....

[Васiль Юрша]

Маю радавод Маркоўскіх з Кушлянаў і  мноства зьвестак па іншых... "ашмянскіх" Маркоўскіх. Па "быхаўскім", на жаль, у мяне а ні на грош...