Брат Станіслава, Габрыэль, зямянін у Навасёлках, набыў частку маёнтка Навасёлкі Ляхаўшчыну ад Стэфана Крыштафавіча Гладкага. Быў жанаты на Зофеі нар. Івіцкай, спадчыніцы Дабрынёва, у 1669 г. разам з Станькаўскім зямянінам Пуміным (нашчадкам Гладкіх) прадалі двух сялян з Дабрынёва. Другім шлюбам жанаты на Кісялёўне.
Габрыэль, сын Крыштафа Ждановіч мой продак. У 1693 г. таксама трымаў у арэндзе фальварк Ярашоўка ад Аўсядоўскіх.
Некаторыя звесткі пра койданаўскіх Ждановічаў:
Зуб-Ждановічы.
У выпісу з Менскіх падкаморскіх кніг 1606 г. пан Рыгор Ждановіч (дзед Габрыэля) і яго брат пан Макар пазначаны Зубавічамі Ждановічамі. У памеры грунтаў Навасельскіх 1594 г. і ў рэестры 1670-х гг., - Зубамі.
У выпісу права 1584 г., актыкаванага ў Віленскім гродскім судзе, Мікалая Радзівіла "Рудога" служэбніку Рыгору Ждановічу на 7 валок зямлі ў Навасёлках пад заставу 400 злотых (у далейшым застаўнае права згадваецца ў койданаўскіх інвентарах, сярод зямян на вольнасцях), які быў прадстаўлены ў Мінскім земскім павятовым судзе, Ждановіч быў пазначаны "князем".
Згодна з рознымі гербоўнікамі, у т.л. са спасылкай на Стрыйкоўскага, бачна, што яшчэ ў XVI ст. была лягенда аб княскім паходжанні Ждановічаў, быццам бы ад Даўспрунгаў, у прыватнасці з прыдомкам "Зуб".
Зуб-Ждановічы таксама жылі ў Галіцыі. У 1782 г. атрымаў легітымізацыю шляхецтва перад аўстрыйскімі ўладамі ва Львове Томаш Юзаф Зуб Ждановіч, пробашч Беражаньскі, канонік Львоўскі. З Валыні паходзіць удзельнік II Сусьветнай вайны, паручнік кавалерыі Войска Польскага ў Францыі, Леанард Шчасны Зуб-Ждановіч (1912-1982), які выкарыстоўваў псеўданімы "Зуб", "Дор", "Шпрунг".
У інвентары 1588 г. Перад землямі Рыгора Ждановича з братам Макарам - 5 валок зямли, паказныя яшчэ 7 валок паміж грунтамі Паноў Гладкіх у Навасёлках- іх бацькі - Ждана Зубавіча. Раней меркаваў, што - гэта продак Зубовічаў.
Найперш паказаная ў апісанні зямель Ждана - сенажаць з нівай названая "двор княжы"- 8 моргаў, 9 прутаў. Сапраўды, гледзячы па апісанням зямель мясцовых зямян спачатку ідзе сядзіба ўладароў.
Language:
