Яскевіч, Яськевіч / Jaskievič, Jaśkievič / Jaskiewicz, Jaśkiewicz / Яскевич, Яськевич

[nina_edward]

Шаноўнае спадарства!
Звяртаюся да вас з такой просьбай: ці можа ёсць у каго знаёмыя ці родныя з прозвішчам Яс(ь)кевіч ці Яцкевіч. Гэтаму чалавеку прапануецца тэст Y-ДНК БЯСПЛАТНА, за кошт зацікаўленай асобы.  У попісе войска ВКЛ 1528 г. ёсць прозвішча Есков, і зараз нашчадкі гэтых Есковых хочуць праверыць магчымую сувязь з Есковічамі -- Яскевічамі -- Яцкевічамі. Вельмі павабная прапанова. Акрамя таго, што чалавек дапаможа некаму ў яго генеалагічных пошуках, ён сам атрымае ДАРМОВА шмат інфармацыі пра свой род.

[Ўладзіслаў Вяроўкін-Шэлюта]

Ясько і Яцко — гэта розныя імёны. Адпаведна, і прозьвішчы зусім розныя.

Ясько — Ясь — Іван.
Яцко — Яцэньці — Гіяцынт.

І, канечне, вось гэта выклікае пэўны скэпсіс:

У попісе войска ВКЛ 1528 г. ёсць прозвішча Есков, і зараз нашчадкі гэтых Есковых

Я магу ўнесьці прозьвішча/прозьвішчы ў гэтыя сьпісы: http://www.nobility.by/forum/index.php?topic=2098.0

[nina_edward]

Ясько і Яцко — гэта розныя імёны. Адпаведна, і прозьвішчы зусім розныя.

Ясько — Ясь — Іван.
Яцко — Яцэньці — Гіяцынт.

І, канечне, вось гэта выклікае пэўны скэпсіс:
Цитата: nina_edward от 25 Август 2013, 23:43:51

    У попісе войска ВКЛ 1528 г. ёсць прозвішча Есков, і зараз нашчадкі гэтых Есковых

Шаноўны Уладзіслаў, дзякуй за тлумачэнне, асабліва наконт Яцко. Я з Вамі абсалютна згодная, але гэта не мая ініцыятыва, гэта -- пажаданне чалавека з Масквы: праверыць магчымую сувязь паміж яе Есковымі і беларускімі Есковічамі. Я адразу выказала меркаванне, што прозвішча Есковіч у беларускай мове будзе асыміляванае і ператворыцца хутчэй за ўсё ў Яскевіча. Ну, а Яцкевіч -- гэта ужо  варыянт "на ўсякі выпадак". Тэст яна аплаціла і ужо прыслала мне 2 наборы з просьбай знайсці Яскевіча(-аў). Нехта з яе Есковых (здаецца, у 17-м ст. ці нешта так) пісаўся ліцвінам.
І нават  больш таго: я знайшла праз телефонны даведнік аднаго Есковіча (беларуса, з Гродна),  і ён сказаў, што яго прозвішча запісанае  няправільна: дзед быў Яс(ь)кевіч, але яго запісалі Есковічам (рускамоўны, вядома, быў пісар). Таму я не выключаю, што такія перамяшчэнні ці ў адзін, ці ў другі бок магчымыя. Пісалі ж часцей са слыху.

[Ўладзіслаў Вяроўкін-Шэлюта]

Нехта з яе Есковых (здаецца, у 17-м ст. ці нешта так) пісаўся ліцвінам.

Былі такія катэгорыі дзяцей баярскіх у Вял. Кн. Маскоўскім "литва дворовая". Няма нічога дзіўнага, што такія Яськовы могуць паходзіць зь Беларусі. Але паміж запісам у ВКМ двароваю літвою і Попісам 1528 нямала часу, пагэтаму я з сумненьнямі стаўлюся да такіх заяваў.

====

Шляхцічы Яскевічы ў мяне зафіксаваны ў Віленскай губ., Яськевічы — ў Віцебскай губ. Ніякай іншай інфармацыі ў мяне няма.

[nina_edward]

Дзякуй, Уладзіслаў! Лінія яе (ці, можа,  нейкіх іншых) Есковых таксама ўзыходзіць да Віленскай губ.
Зараз засталося толькі знайсьці ахвотных пратэставацца. Не такая гэта і лёгкая справа угаварыць на гэта людзей, далёкіх ад генеалогіі.