Мяцельскія гербу Астоя паводле Інтэрнэту (мо каму будзе цікава)
Шляхецкі род гербу Астоя. Паводле Каспра Нясецкага, род паходзіць з былога Сандамерскага ваяводзтва Польскага каралеўства. Прозьвішча, верагодна, утварылася ад вёскі Металь (цяпер Сьвентакшыскае ваяводзтва Польшчы). Першы вядомы прадстаўнік – Ян Скробат Мяцельскі, які ў 1499 набыў маёмасьць у Ганны, удавы Паўла з Пэнчлавіц. З Хамэнтоўскай меў сына Пятра, які вызначыўся ў вайне ў Інфлянтах. Пётар з Наґорскай меў двух сыноў – Марціна й Кшыштафа. Кшыштаф з Казяроўскай меў сына Бальцара, Марцін жа ў Прусіі набыў вёску Бранева. Кшыштаф зь Вітаслаўскай меў сына Гераніма, які быў жанаты з Задушкай. Магчыма, гэты Геранім пасьля быў пісарам гродзкім Сандамерскім у 1674, а Яцак зь Метла Мяцельскі – пісарам земскім падкаморым. Антоні ў 1730 быў жанаты з Чаркасаўнай зь якой меў нашчадкаў. Каспар служыў у законе езуітаў. N. Быў жанаты з Аляксандрай Далшкевічаўнай, дачкой Стафана Аляксандра Далжкевіча, войскага оўруцкага ў 1690. Жылі й на Пакуцьці (усход Івана-Франкоўскае вобласьці).
Мацьвей (Матэвуш) Янавіч Мяцельскі гербу Астоя ў 1816 унесены ў 1 частку РК Кіеўскае губэрні (жыў у Васількоўскім павеце). На Ўкраіне Мяцельскія гербу Астоя выводзіліся таксама ў 1804 зь Белае Царквы, у 1800 з Старое Буды (зацьверджаныя?), з Дубаўкі ў 1833.
Вядомая таксама наступная галіна Мяцельскіх гербу Астоя, якая ўзгадваецца на сайце “Нашчадкі Вялікага сойму”:
Антоні Мяцельскі гербу Астоя (каля 1680-?), ж. – Ганна Младаўская
* Марцін (каля 1710-?), харужы панцырны ў Хэлмне, ж. – Гелена з Касоціц Касэцкая, дачка Францішка з Касоціц Касэцкага гербу Равіч і Тэадоры Арамовіч гербу Адрованж
** Ружа, м. – Рафал з Гараднян Гарадынскі гербу Корчак, старота пасярбоўскі
** Анджэй (каля 1740-?)
** Францішка, м. – Фэрдынад Фабіян Сэбастыян з Касоціц Касэцкі гербу Равіч (1743-?), падкаморы каралеўскага двору.
Аднак Каспар Нясецкі піша, што яны карысталіся гербам Яліта, жылі ў Вісьліцкім павеце Сандамерскага ваяводзтва й пісаліся зь Метла Мяцельскі. Ён узгадвае да таго бацьку Антонія – Гераніма зь Метла Мяцельскага, віцэ-старосту Сандамерскага, жанатага з Зоф’яй Ґлушынскай, але ня ўзгадвае сясьцёр Анджэя, дадаючы, што той служыў ротмістрам у 1 палку Рэчы Паспалітай. У той самы час ён піша, што гэтыя Мяцельскія ўзгадваюцца толькі ў Бараноўскага, які мог і памыляцца.
Можна меркаваць, храналёгія гэта дазваляе, што Геранім зь Метла Мяцельскі гэта той самы Геранім гербу Астоя, які ў 1674 быў пісарам гродзкім Сандамерскім. Вэрсія пра герб Яліта, на маю думку, магла зьявіцца праз памылковае прачытаньне зь Метла Мяцельскі як Яліта Мяцельскі. Ускосным доказам можа служыць таксама той факт, што Яцак гербу Астоя таксама пісаўся зь Метла Мяцельскі. У такім выпадку частка радаводу Мяцельскіх можа выглядаць наступным чынам:
Ян Скробат Мяцельскі, узгадваецца ў 1499, ж. – N. Хамэнтоўская
* Пётар, вызначыўся ў вайне ў Інфлянтах (1519-1521??), ж. - N. Наґорская
** Марцін, набыў Бранева ў Прусіі
** Кшыштаф, ж. – N. Казяроўская
*** Бальцар
Кшыштаф (каля 1620-?), ж. – N. Вітаслаўская
* Геранім зь Метла Мяцельскі (каля 1650-?), пісар гродзкі Сандамерскі ў 1674, віцэ-староста Сандамерскі, ж. – Зоф’я Ґлушынская
** Антоні Мяцельскі гербу Астоя (каля 1680-?), ж. – Ганна Младаўская
*** Марцін (каля 1710-?), харужы панцырны ў Хэлмне, ж. – Гелена з Касоціц Касэцкая, дачка Францішка з Касоціц Касэцкага гербу Равіч і Тэадоры Арамовіч гербу Адрованж
**** Ружа, м. – Рафал з Гараднян Гарадынскі гербу Корчак, старота пасярбоўскі
**** Анджэй (каля 1740-?), ротмістар у 1 палку Рэчы Паспалітай
**** Францішка, м. – Фэрдынад Фабіян Сэбастыян з Касоціц Касэцкі гербу Равіч (1743-?), падкаморы каралеўскага двору.
Маецца спакуса назваць Кшыштафа жанатага зь Вітаслаўскай сынам Бальцара, названым у гонар дзеда.
Крыніцы:
http://www.sejm-wielki.pl:2318/sejmwielki?m=N;v=mietelski+h.+ostoja http://forum.vgd.ru/21/3377/80.htm?a=stdforum_view&o=http://ntr.com.ua/modules.php?name=Pages&go=showcat&cid=137
Language:
