Ратомскія- шляхецкі род з Менскага павету. У т.л. сярод маіх продкаў праз Мазуркевічаў. Генеялогія роду ў 16 ст. падрабязна разглядаецца Ф.В.Чарняўскім у Выпуску IV "Ураднікаў Менскага ваяводства".
Некаторыя асноўныя звесткі:
У ваколіцах Менска жылі яшчэ ў 15 ст. Першапачатковае прозвішча- Вінк. Асноўны маёнтак- Ратам'е (Ратамка). У 15-16 ст. служылі кн. Слуцкім, ад якіх у кан. 15-пач. 16 ст. мелі таксама землі каля Ўзды і Койданава. З цягам часу большая частка земляў перайшла ў валоданне Кавячынскіх і склала аснову Кухціцкага маёнтку. Продак служыў князю Міхалу Аляксандравічу Алелькавічу-Слуцкаму, які памер каля 1481 г.
У сярэдзіне 16 ст. пакінулі службу ў кн. Слуцкіх і перайшлі да Радзівілаў.
Найбольш вядомыя асобы:
Яцка (Якуб) Ратомскі, гараднічы менскі ў 1507-1511 гг., Дыпламат, удзельнічаў у пасольстве да менглі-Гірэя ў Крымскую Арду ў 1510 г. Жонка- дачка намесніка мазырскага Якуба Івашэнцавіча. Яго сын Канстанцін дзяржаўца асцёрскі, жонка- Барбара Васільеўна кн. Саламярэцкая, дачка Васіля Іванавіча Саламярэцкага і Чартарыскай.
Сын Канстанціна- Лаўрын, каралеўскі ротмістр, дзяржаўца (староста) асцёрскі, у першым шлюбе жонка- Зофея Тышкевіч, дачка Юрыя Тышкевіча, ваяводы берасцейскага, графа на Лагойску і Бярдычаве, заставілі нашчадкаў. У другім і трэцім шлюбах- жонкі- сёстры кн. Друцкія-Горскія. нашчадкі таксама ў трэцім шлюбе.
Міхал, сын Лаўрына і Тышкевічаўны Ратомскі, стараста асцёрскі, пасол на вальны сойм 1600 г., удзельнічаў у паходах Лжэдзьмітрыя.
Таксама Ратомскія жылі ў Аршанскім павеце. У 18 ст. з гэтага роду Тэкля Касцюшка, маці Тадэуша Касцюшка, таксама Тэрэза Прушынская- жонка Ежыга-Антонія Прушынскага, першага ўладальніка Лошыцы з роду Прушынскіх.
