Шыкер / Šykier / Szykier / Шикер

[Калечыц]

Шыкеры, Шыкіры, перш. Шыкіравічы. Паходзяць з баяр кн. Слуцкіх. Першая згадка - баяры князя Юрыя Сямёнавіча Алелькавіча Слуцкага, 1540 г. Пасля койданаўскія зямяне. Валодалі землямі ў Старым Сяле і пад Койданава ў Менскім павеце, паселішчам Ямінск у Наваградзкім павеце. Падрабязныя звесткі пра род у працы Ф. Чарняўскага "Ураднікі Менскага ваяводства.." вып. ІІ. Сярод прадстаўнікоў роду: Марцін Шыкіра, скарбнік менскі (1651 г.), Міхал, чашнік рэчыцкі (1737 г.),  Ян, скарбнік віцебскі (1662 г.), Жыгімонт Хвалібог, скарбнік Мсціслаўскі (1688 г.).

Сустракаюцца ў інвентарах маёнтка Койданаў, 17-18 ст. Андрэй Шыкер або Вайцюшэвіч, у метрычных кнігах Койданаўскага кальвінскага збору і койданаўскага касцёла, пазначаны як мешчанін койданаўскі і пісар падстаросты койданаўскага (1670-я гады).

Пётр і Ян Шыкеры ў 1787 г. гемайны Койданаўскай харугві ваяводы Віленскага Караля Станіслава Радзівіла.

У першай палове XIX ст. Шыкеры шукалі вольнасць ад прыгоннай залежнасці з маёнтка Зубрэвічы графаў Ржэвуцкіх, Самуэлева Радзівілаў. Паказвалі сваім гербам герб "Сестранец".

[Васіль Манкевіч]

Магчыма нехта будзе займацца, далучыўся бы да пошуку. Патрэбны: Антон Шыкер (нар. прыкладна да 1850г), жыў недзе пад Рубяжэвічамі. Дачка Сафія, жыла ў в. Дзягільна.

[Ўладзіслаў Вяроўкін-Шэлюта]

Патрэбны: Антон Шыкер (нар. прыкладна да 1850г), жыў недзе пад Рубяжэвічамі.

Мэтрыкі Рубяжэвіцкага касьцёлу 1834-1848 -- 937-4-111; нараджэньні 1849-1854 -- 1349-1-17.

[Калечыц]

AGAD, акты вайсковыя.

Тэадор Шыкер, гемайн, кананір корпуса артылерыі Караля Станіслава Радзівіла, 1783-1791 г.

[Калечыц]

У Сумарыушы людзей на гарнізоне Слуцкім, якія ставіліся падчас попісу 1658-59 г.

Лейб-кампанія пяхоты князя конюшага ВКЛ Багуслава Радзівіла:

Каспер Шыкер.

[Калечыц]

AGAD, акты вайсковыя. Сьпіс дамоў шляхецкіх і жаўнерскіх у Слуцку, 1682 г.

Сьпіс дамоў шляхецкіх:

Яго Міласці пана Шыкеры.

[Калечыц]

У 18 ст. сустракаюцца ў метрычных кнігах Ліцьвянскай царквы Менскага павета. З гэтай галіны шукалі вольнасць ад прыгоннай залежнасці з вёскі Зубрэвічы той жа парафіі.

[Калечыц]

Шыкеры запісаныя сялянамі графа Ржэвускага ў вёсцы Ракошычы Ліцьвянскай парафіі, 1816 г.

[Васіль Манкевіч]

Добры дзень! Тое, што ўдалося знайсці пакуль шукаў пра Сафію Ш:

1. XVII–XVIII ст.
• 1637 — Joannes Szykir запісаны ў Інгальштацкі ўніверсітэт (Баварыя) 13.XI.1637 адначасова з сынамі ваяводы Аляксандра Слушкі — Яўстахам Адамам і Багуславам Юрыем. Biržiška V. Lietuvos studentai užsienio universitetuose XIV–XVIII amžiais. Chicago, 1987 (у імянным паказальніку памылкова 1673).
• 1660 — ліст «Jan Gerzy Szykier» са Слуцка, 2.III.1660, да кн. Багуслава Радзівіла. Мае ў Слуцку дворык, просіць вызваліць яго ад пастою жаўнераў слуцкага гарнізона і ад млынавой акцызы. AGAD, Archiwum Warszawskie Radziwiłłów, dz. V, sygn. 15980. Скан на Wikimedia Commons
• 1674 — Міхал Шыкер, лоўчы віцебскі, падпісаў элекцыю Яна III сярод шляхты Вількамірскага павета. Volumina Legum, выд. 1738, т. 5, с. 289; Pietruski, Elektorów poczet, 1845.
• Жыгімонт Хвалібог (Фалібог) Шыкер — скарбнік віцебскі 1687–1690. Urzędnicy WKL. Spisy, t. IX: Województwo mścisławskie (IH PAN, 2019), s. 157, 252  rcin.org.pl.
• Ева Элеанора Шыкераўна, лоўчанка віцебская, да 1690 г. першая жонка Аляксандра Міхала Пукеня Пухоўскага, стольніка пінскага; памерла да 11.I.1711.
Urzędnicy WKL. Spisy, t. VIII: Ziemia brzeska (2020), s. 310.
• 1733 — за Станіслава Ляшчынскага галасавалі Ян Шыкер, скарбнік віцебскі, і Віктар Шыкер, земскі суддзя жамойцкі. Dunin-Borkowski J., Dunin-Wąsowicz M. Elektorowie… // Rocznik Tow. Heraldycznego we Lwowie, t. 1, Lwów 1910, s. ~230.

2. XIX — пачатак XX ст.
• Мінскі дваранскі дэпутацкі сход (НГАБ): ф. 319 воп. 2 спр. 3523 — «Дело о дворянском происхождении рода Шикеров», 16.07.1816: вопіс на velikie.org.
• Легітымацыя: Dumin S., Górzyński S. Spis szlachty wylegitymowanej w gub. grodz., mińskiej, mohyl., smoleńskiej i witebskiej (1992), № 1898: «Sziker [Schiker, Szykier]» — Мінская губ., 1854, I частка радаводнай кнігі (с. 101).
• Герольдыя (РДГА, ф. 1343) — справы аб дваранстве Шыкераў, Ковенская і Мінская губ.: 1855, 1893, 1895, 1903, 1905.
• Чыншавыя справы (РДГА, ф. 1291, 1344):Востраў, Мінскі пав.: 1888, 1889; Гарбузы, Мінскі пав.: 1890, 1910, 1911; Буда, Слуцкі пав.: 1892, 1897, 1913.

3. парафіі: Койданава (1891) і Дзераўная
Койданава. «Спіс парафіян Койданаўскага касцёла» 1891 г. (у Facebook) Шыкеры:
• застенак Гарбузы (с. 59–60);Востраў (с. 102); Ждановічы (с. 178); Новікі Вялікія (с. 182). Усе мяшчане або сяляне.
Дзераўная (метрыкі на FamilySearch і індэкс Geneteka, 1788–1898) — Шыкеры з:
• Новікаў (Койданаўская парафія); Востраў; Гарбузы; Старыны (1788); Гуменаўшчыны (1792); Борку (1796, маці-Шыкераўна); Дзераўная (1870-я).
Таксама праваслаўная парафія Засулле (1823, 1825, 1833) і грэка-каталіцкая парафія Літвяны: застенак Скародная (1790), Мязёнаўка (1798).

4. Па маім пытанні (Антон і Сафія Ш.)
Верагодна У 1888 г. Сафія ў спісе каталікоў, якія перайшлі ў праваслаўе (НГАБ ф. 1781 воп. 7 спр. 117). Кандыдаты ў бацькі: два Антоны 1891 г. (Новікі Вялікія, нар. ~1837, і Ждановічы, нар. ~1840).

Таксама артыкул пра род у беларускай Вікіпедыі: «Шыкеры герба Сястрэнец»

[Ўладзіслаў Вяроўкін-Шэлюта]

Пра Шыкераў згадваў п. Глінскі ў артыкуле: "Нябачная сацыяльная група: зямяне прыватных маёнткаў у Вялікім Княстве Літоўскім у другой палове XVI–XVIII ст.".