Макоўскі / Makowski / Маковский

[Marunka]

Шукаю тых, у каго ў радавым дрэве сустракаецца прозвішча Макоўскі.

Мае Макоўскія, зарэгістраваная шляхта Мінскай губерні, герб Грыф.
У вывадзе рода пачынальнікам быў Ян Макоўскі (прыблізна 1600 год). Так як у яго радаводзе запісана 6 праўнукаў і 19 прапраўнукаў, то радавое дрэва вельмі  разгалінаванае, дзе прысутнічае, як заможная так і не вельмі заможная шляхта.
З большага сучасныя нашчадкі, нават не ведаюць, што іх продкі паходзілі са збяднелай шляхты і прыклалі ўсе намаганні каб пацвердзіць шляхецтва ў 1861 годзе.

Шукаю Макоўскіх, якія жылі вакол Заслаўля, Жукаўкі, Лагойска, Мінска, Астрашыцкага гарадка, Івянца. Некаторыя галіны роду пераехалі ў іншыя паветы, і такім чынам рассяліліся па розным куткам Беларусі.

[Калечыц]

Макоўскія пад Койданава. У 19 ст. шукалі вольнасць ад прыгоннай залежнасці.

У 19 ст. адзін з Калечыцаў, вольны хлебароб з Забалацця, ажаніўся на дваранке Вікторыі з Макоўскіх.

З інвентара 1682 г.:

Шымон Макоўскі, зямянін у Саковічах.

Ян Макоўскі, зямянін у коне Галышоўскім.

[Marunka]

У некаторых гістарычных крыніцах знаходзіла гэтых Макоўскіх пра якіх вы распавядаеце, яны яшчэ сем'ямі пераходзілі з каталіцтва ў праваслаўе ў 1860я гады. Мая прабабка з роду Макоўскіх, таму іх  радаводам займаюся з зацікаўленасцю, і пакуль яны не перакрыжоўваюцца з койданаўскімі Макоўскімі. У 1850я актыўна спрабавалі атрымаць пацвярджэнне шляхецтва з рознымі спасылкамі на дакументы, і ў выніку атрымалі гэта пацверджанне. Таму ведаю, што Макоўскія вакол Заслаўя, Жукаўкі, Лагойска, Астрашыцкага Гарадка былі шляхтай і запісваліся такой у метрычных кнігах і Рэвізскіх сказках. 

[Калечыц]

Заслаўе, Лагойск, Астрашыцкі Гарадок, дастаткова вялікі арэал. Ці з'яўляюцца яны дакладна аднім родам? Дзе дакладна і кім яны былі запісаны па рэвізіі 1795 і 1816 гг.?

Што яны падавалі падчас вываду ў якасці доказаў шляхецтва?

[Marunka]

Ну можа за ўсіх-усіх я перабольшыла. Але давайце падлічым. Першы Макоўскі набыў землю ў Мінскай губерні нейдзе ў 1609 годзе (прынамсі гэта дата стаіць ў дакументах якія яны падавалі ў Герольдыю), затым у яго быў сын, унук, і на праўнуках пайшло разгаліненне. Дзеці і ўнукі гэтых праўнукаў і даказывалі шляхецтва ў Расійскай Імперыі і прадастаўлялі дакументы, метрыкі пра шляхецтва сваіх продкаў. Па Рэвізскім сказкам і метрычным запісам яны ўзгадваюцца як шляхта. У гэтых 6 дзяцей, было агулам 21 хлапец, хтосьці памёр малады, хтосьці памёр бяздзетны, але значная колькасць працягнула род. Гэтыя 21 з прадстаўнікоў роду Макоўскіх у агульнай суме нарадзілі 22 хлопчыка на наступнае пакаленне. Наступнае пакаленне гэта ўжо нейдзе канец ХІХ стагоддзя дзяцей хлопчыкаў я ў радаводзе налічыла 32. І гэта толькі тыя пра каго я ведаю з розных крыніц. Вядома сустракаюцца і дзеўчыны, іх таксама заносім, але не ўлічываем. Большасць нашых сучаснікаў добра калі ведае імёны сваіх прадзедаў, а гэта якраз тыя хто нарадзіўся на стыке 1800/1900 гадоў. Дадайце да іх яшчэ народжаных сыноў, вось і атрымліваецца вялікае разгаліненне. А пасля рэвалюцыі, высылкі, рэпрэсій, раздачы зямлі, то і па рассяляліся па розных кутках. Таму гэта дае мне падставу сцвярджаць галосна што значная частка Макоўскіх якія жывуць на гэтых тэрыторыях яны сваякі.
Задакументавана, што пачыналі жыць яны ў фальварку Васілішкі, затым набылі Бутрымаўшчызну, і далей дязліліся і арэндавалі землі. Менавіта гэтыя 6 праўнукаў пра якіх я распавядала напачатку прадалі Бутрымаўшчызну і набылі сабе надзелы зямлі.
Я ведаю што ў розныя часы яны жылі ў Вязаўшчыне, Крычніках, Каршова, Сенкава, Катлянаўшчызна, Валаўшчызна, Углы, Навадворшчызна, Вярыгава, Гарадзішча, Стайкі, Талкачоўшчызна, Неаполь, некаторыя пераехалі ў Барысаўскі і Івянецкі ўезд. І гэта месцы жыхарства да 1900га года. Вядома некаторыя былі збяднелай шляхтай і на момант рэвалюцыі былі амаль беднымі. Але ўсе яны паходзяць з адной галіны роду. Проста хтосьці ўдала ажаніўся, ў кагосьці нарадзіўся адзін ці два сыны, ну а хтосьці ўсё дзяліў і дзяліў свой надзел.

[Калечыц]

Макоўскіх было шмат. Яшчэ ў Лідзкім павеце, і ў Ашмянскім. Не ўсе сваякі. Калі інфармацыя толькі з вывадавай справы, там могуць з вялікай доляй верагоднасці быць фальсіфікацыі, трэба правяраць. Нажаль ня маю пры сябе зараз выпісак, некалькі месяцаў таму глядзеў справу па адшукання вольнасці койданаўскімі Макоўскімі ў Мінскім павятовым судзе (НГАБ, ф. 159), там былі адсылкі да вываду ў Мінскім ДДС, памятаю, што прыгадваюцца фальшывыя і сумнеўныя дакументы.

[Marunka]

Дык не прытэндую на існасць у апошняй інстанцыі.  Проста канстатую факт дакументаў некаторых. Чаму некаторых не пацвердзілі і ці былі фальсіфікацыі зараз ужо цяжка зразумець. Маглі ж і наўмысна некаму палкі ў колы ставіць. Палітыка не вельмі адрозніваецца ад сённяшняй. Шляхта ці не, могуць расказаць толькі жыхары тых часоў. Нам толькі застаецца канстатаваць. Ведаю, што ў той за Вязаўшчыне жылі Макоўскія, якія былі вельмі бедныя ў 1920я і не таму што раскулачылі, а таму што шмат сыноў было і драбілі кавалкі. Той хто здолеў з'ехаць на арандаваныя землі жылі багайцей чым яны, хто трымаўся за спадчыну якая вечна драбілася. А мясцовасці, што я пералічыла гэта не толькі па зацвярджэнню шляхты знойдзены, гэта яшчэ і па Рэвізскім сказкам за розныя часы. У мяне няма мэты даказаць шляхетнасць Макоўскіх, якія жылі каля Мінска, я проста раблю радавод прозвішча з сям'і якой паходзіць мая прабабка і выпісваю ўсе імёны. Яны пераплятаюцца моцна.

А фальварак Васілішкі, з якога пачынаўся іх надзел, запісан у запісах на зацвярджэнне шляхты, як фальварак Ашмянскага павета. І не думаю, што прашчур Ян Макоўскі ад якога ідзе мінская галіна меў толькі аднаго сына. Таму, можна толькі здагадвацца.

[susvet]

Чтения в Императорском Обществе Истории и Древностей Российских при Московском Университете. 1908 год. Книга первая.
I. Материалы исторические. 1.-Дневальныя записки приказа Тайных Дел 7165 - 7183 гг. С предисловием Действ. Члена С. А. Белокурова.
С. 53. 7168 г. генваря 18-25.
(л. 99) 168-го генваря в 23 день в. г. ц. и в. к. Алексея Михаиловича, в. в. и м. и б. Р. с., у руки были на приезде в Золотой полате: Быховская шляхта Гаврило Ильиничь, Данило Шулцо, Андрей да Станислав Ренчинския, Костентин Войнилов, Криштоп Маковской. И великого государя жалованья дано им из приказу великого княжества Литовского и из Устюжские чети: Гаврилу Ильиничю, Данилу Шулцу: по кубку серебряному, золочены с кровлями, весом Гаврилу фунт 64 золотника, Данилу фунт 74 золотника; по отласу золотному ценою по 30 рублев отлас, по отласу глаткому мерою по 10 аршин, по 40 соболей ценою по 50 рублев сорок, по 500 рублев денег. Андрею да Станиславу Ренчинским: по кубку серебряному, золочены с кровлями, Андрею весом фунт 75 золотников, Станиславу весом фунт 72 золотника; по отласу золотному, ценою по 18 рублев отлас, по отласу глаткому мерою по 10 аршин, по 40 соболей, ценою по 50 рублев сорок, по 500 рублев денег. Костентину да Криштопу по отласу глаткому мерою по 10 аршин, по сукну багрецу, по 5 пар соболей, по 5 рублев пара, по 100 рублев денег.
https://yandex.ru/archive/catalog/6329824f-bfee-44b4-92b1-a4c65358c8ca/71