Гартынґ / Hartyng / Harting, Hartingh / Гартинг

[Вадзім Урублеўскі]

Шукаю інфармацыю адносна пражывання ў Магілёве ў 20-40-я гг. ХІХ ст. прадстаўнікоў галандскага роду Гартынгаў.
Прашу падказаць да якіх крыніц можна звярнуцца.

[Ўладзіслаў Вяроўкін-Шэлюта]

Гартынґі — не бароны.

Што вас канкрэтна цікавіць?

[Вадзім Урублеўскі]

Мяне цікавяць нашчадкі Марціна Мікалаевіча Гартынга (1785-1824), выхадца з дваранскага роду г.Лэйдэн у Галандыі, што ў 1803 г. быў прызваны на рускую службу. Прыкладна з 20-х гг. яго сям'я пражывала ў Магілёве. У сям'і былі тры сыны: Густаў, Канстанцін і Мікалай. Дзе можна знайсці спісы студэнтаў магілёўскіх гімназій ці вучэльняў, у якіх яны маглі вучыцца? Можа захаваліся спісы домаўладальнікаў па Магілёву за гэты час? 

[Ўладзіслаў Вяроўкін-Шэлюта]

Марцін (Марцін-Ганна-Квінтын) Гартынґ (* Лейдэн 1787.02.28, † Магілёў 1824.08.13)
У 1805 лейтэнант галяндзкай службы, паступіў на расейскую службу, у будучым генэрал-маёр і генэрал-квартармайстар.
Некаторыя зьвесткі пра ягоную службу: http://www.museum.ru/museum/1812/Persons/RUSS/ra_g08.html
х (графіня?) Амалія-Даратэя Ламбздорф, * 1798.07.27, † Франкфурт на Майне /1838.09.11
Дзеці:
1. Густаў-Мікалай-Марцін
   * Магілёў 1819.10.18
2. Канстанцін-Іван
   * Магілёў 1821.12.09
3. Мікалай-Якаў-Леў
   * Магілёў 1823.12.24

Унесены ў 2 ч. ДРК Санкт-Пецярбургскай губ., лінія ад Густава пераносам таксама ў 2 ч. ДРК Менскай губ.

Пра нашчадкаў Густава і Канстанціна ёсьць у Афтаназы, у 1-м і 2-м томе.

[Вадзім Урублеўскі]

Прынамсі я гэты радавод даўно распрацоўваю, але аб некаторых расейскіх сайтах пра М.Гартынга я сапраўды не ведаў. Дзякуй, спадар Уладзіслаў!

Не магу толькі зразумець, чаму некаторыя Гартынгі называюцца баронамі (напрыклад, у вокладках на рэвізскіх сказках, у справе аб уводзе ў кіраванне маёнткам і г.д.). Хаця ў радаводнай справе згадак на баронства няма.

[Ўладзіслаў Вяроўкін-Шэлюта]

Нарэшце адшукаў у сваіх завалах ксэра машынапіснага радаводу Гартынгаў, складзенага ў 1892.

Landre Ch. Genealogy of the Hartingh’s family. 1892.

[Вадзім Урублеўскі]

Дзякуй! Але дзе я яе знайду. У Нацыянальнай бібліятэцы яна ёсць?