Дземідовіч / Dziemidovič / Demidowicz, Dziemidowicz / Демидович, Дземидович

[Стасюк Дземідовіч]

Шаноўнае панства!

Паходзяць з Уздзенскага (в.Тоўсты Лес, Літва, Магільна, Ліцьвяны) /Стаўпцоўскага раёнаў, Менскай вобласці. Праваслаўнае веравызнанне. Асаблівай іншай інфармацыі не маю, бо дзед распавядаў, што царква разам з метрыкамі згарэла ў гады вайны.

Быў бы вельмі рады любой інфармацыі, якая б тычылася дадзенага прозьвішча. Папярэдне дзякую.

З павагаю Станіслаў Дземідовіч.

[Ўладзіслаў Вяроўкін-Шэлюта]

Дземідовічы з Вузьдзенскага раёну, на колькі я ведаю, сяляне. Назавіце, калі ласка, зь якімі родамі вашыя Дземідовічы былі ў сваяцтве да вайны.

[Стась Дземідовіч]

Луцэвічы

[Ўладзіслаў Вяроўкін-Шэлюта]

Увогуле, каб не гадаць, лепш паглядзець мэтрычныя кнігі ў Нацыянальным Гістарычным архіве, кнігі Сямёнавіцкай царквы захаваліся ня дрэнна.

Адное прозьвішча — гэта мала . Калі 5-7 родаў, зь якімі парадніліся ў дарэвалюцыйныя і даваенныя часы былі шляхецкімі, можна пра нешта памеркаваць.

[Калечыц]

Некаторыя Дземідовічы, якія менаваліся Д.-Ваўчэцкімі гербу "Габданк" пры вывадзе ў Мінскім ДДС мелі продкаў-прыхаджан Койданаўскага касцёлу ў Мінскім павеце. Сустракаюцца сярод зямян койданаўскіх 17-18 ст. Верагодна, першыя пакаленні гэтага роду:

Міхал Дземідовіч, ключнік койданаўскі ў 1620 г., меў зямлю ў Койданаве, навакольных Загаражанах (Загараддзе). Каля 1648 г. набыў зямлю за 18 коп грошаў у Калечыцаў у засценку на Ўлотаўцы каля Макаўчыц. У 1669 г. пан Ян Дземідовіч, відавочна, сын Міхала, трымаў зямлю на вольнасці за Загараджанамі за лістам кн. Багуслава Радзівіла, ён жа сярод зямян.