Знайшліся мэтрыкі маіх Гілеўскіх у Ліцвянскай царкве. Дзеці Івана Гілеўскага і Магдалены Бакіноўскай: Ёзаф 1782, Вікторыя 1791, Тэафіла 1794. Усе жывуць у засценцы Бакіноўскі. Кумы — Бакіноўскія, з лініі роду, якія па рэвізскай казцы 1795—1811 жылі ў Гарадзішчы, Койданаўскай парафіі. Зрэшты, і гэтыя Гілеўскія па гэтай жа казцы таксама там жылі разам з гэтымі Бакіноўскімі. Характэрна, што па казцы 1795 г. у Гарадзішчы жыве Сцяпан Іванаў Гілеўскі (а не Іван) з жонкай Магдаленай Міхайлавай, але дзеці іх цалкам супадаюць з метрыкамі Ліцвянскай царквы, а двое дзяцей (Базыль 1789 і Антон 1801) ахрышчаны ў Койданаўскім касцёле. Яны з Гарадзішча. Ці можна лічыць, што ў рэвізскай казцы памылка і замест Сцяпана і Магдалены павінен быць Іван і Магдалена, як у мэтрыках? І другое пытанне - ці вядома жылі Бакіноўскія ў засценку Бакіноўскія ў 1795 і хто менавіта? Вядома, што па РК 1816 і 1834 г. там жывуць Бакіноўскія з іншага роду, зацверджанага ў расійскім дваранстве: Іосіф і Феліцыян Іванавічы і іх нашчадкі. Верагодна мая Магдалена Бакіноўская была з іхняга роду, таму яна там і пражывала (часова?) па МК Ліцвянскай царквы?, а па РК сям'я Магдалены была "прапісаная" ў Гарадзішчы?