Герман / Нierman / Нerman

[Васiль Юрша]

Шматлікая ашмянская шляхта гэрбу ?, вывад у ?

У 18-19 ст. жылі ў Жвірблішках, Юршанах, Скірманцішках, Сенкаўшчыне, Граўжах, Граўжышках, Павілойцях, Адамаўшчыне, Віцюлях, Ажабелях...
Мелі сваякоў сярод шляхты Садоўскіх, Рачкаў, Жураўскіх, Калышкаў, Эйсмантаў, Шчапановічаў, Ягелаў, Гасоўскіх, Дакурнаў, Суражаў...
Зацікаўлены ў новых зьвестках.

[Марыя]

Мае продкі мелі прозвішча Герман. Жылі яны ў вёске Картынічы (сучасны Лельчыцкі р-н, гомельская вобласць.

[Васiль Юрша]

Прозьвішча Герман досыць распаўсюджанае. У тым жа Ашмянскім павеце было нямала Германаў і нешляхетскага паходжання. Трэба капаць глыбей.

[Калечыц]

Асобы з прозвішчам Герман, варыянт Гертман, сярод кліентэлы Крыштафа Радзівіла ў кнізе Urszula Augustyniak (Warszawa). Dwór i klientela Krzysztofa II Radziwiłła :

Ян?, Слуга дворны. Машталер Крыштафа Радзівіла ў 1621 г., быў пасланы да збору стацый (павіннасцяў) у Астрыну, падчас чаго здзейсніў рабункі сярод падданых падскарбія Нарушэвіча. Верагодна, ён жа ў 1627 г. пакаёвы дваранін, ажыццяўляў нагляд за конным заводамі Крыштафа Радзівіла разам з канюшым Хжаноўскім;

N Герман, "аброчнік на тры кані" (юргельтчык) у "рэестры моладзі";

N Герман, у харугвы гусарскай Крыштафа Радзівіла, з почтам на два кані.

 N Герман. Афіцыяліст. Ураднік Слуцкі, у 1630 г. адказваў за адбор выбранцаў, у 1631 г. арганізоўваў выязд да Варшавы.

N Герман, зямянін біржанскі;

N Герман, у харугвы казацкай Радзівілаўскай у 1659 г.;

N Герман, у харугвы гетманскай, удзельнічаў у бітве пад Шыпеловічамі, 1654 г.

Павел Герман, капітан гвардыі драгунаў у 1653-1655 гг.

Таксама, баяры койданаўскія ў Менскім павеце, пасля зямяне Германы, ці Германовічы. Ужо ў 17 ст. пісаліся ў метрычных кнігах Nobilis, пры гэтым паходзілі ад сялян вёскі Машніца ГАрманаў 1588-1620 гг.

[Калечыц]

У Сумарыушы людзей на гарнізоне Слуцкім, якія ставіліся падчас попісу 1658-59 г.

Кампанія драгун капітана Курцвэйля:

Сымон Герман.