Міскевіч, Міськевіч (татарскі род) / Miskievič, Miśkievič (tatarski rod) / Miskiewicz, Miśkiewicz (rodzina tatarska) / Мискевич, Миськевич (татарский род)

[mietek70]

Poszukuję danych o rodzie tatarskim o nazwisku Miśkiewicz, będę wdzięczny za każdą informacje.
 Pozdrawiam Mieczysław Miśkiewicz.

[Вадзім Урублеўскі]

Татарскі род Міськевічаў вядомы ў мястэчку Узда, дзе носьбіты прозвішча, дваране, пражывалі ўжо ў першай палове ХІХ ст., а магчыма і яшчэ раней - з канца XVIII ст. У 1846 згадваецца скарняк-кушнер Мустафа Міськевіч, што разам з яшчэ трыма татарамі вымочваў скуры ва Уздзянцы. На мясцовым мізары маюцца пахаванні яго нашчадкаў. Сям'я Міськевічаў жыве ва Ўздзе і цяпер. Дарэчы, яна, ледзь не адзіная ў мясцовым татарскім асяродку, якая не з'яўляецца "мяшанай", а захоўвае хаця бы кроўную, але ідэнтычнасць.

[Miskiewicz]

Прывітаньне з Узды! Мо хто дапаможа знайсьці зьвесткі пра майго прадзеда Магамета Міськевіча? У яго была жонка Зоня, дачка Айша (Шута), сыны Аляксандар і Сюлейман (мой дзед). Вядома толькі, што працаваў на чыгунцы ў Пецярбургу, Чанстахове, Харкаве... І ўвогуле пра Міськевічаў з Узды хацеў бы што знайсьці.
Цікава, калі ў нас прозьвішча стала Міскевіч, а не Міськевіч... 

[Ўладзіслаў Вяроўкін-Шэлюта]

Род пры вывадах у Менскім ДДС назваў сваім гэрбам "Праўдзіц", у расейскім дваранстве зацьверджаны не былі.

У сьпісах шляхты Ігуменскага пав. Міськевічы ёсьць толькі ў адным сьпісе за 1836:
Ф. 319, воп. 1, спр. 946 (татары на стар. 326—337).

Трэба глядзець пэрсанальную справу ў фондзе Менскага ДДС, можа там ёсьць і позьнія дакумэнты.