Гэтыя магілы знаходзяцца на амаль знішчаных шмат гадоў таму шляхецкіх могілках у былым маентку Крычын (зараз Барысаўскі раен).
Род Кукевічаў-Пыха (альбо з Пыха) гэрбу "Пшэрова" паходзіць з Аршанскага пав. які, у даўнія часы, ахопліваў большую частку Барысаўшчыны.
Дэкрэтам Аршанскага правінцыйнага земскага суда ад 1774.04.15 Кукевічы прызнаныя ў шляхецтве. Чынілі вывад у Менскім ДДС 1802.12.19, дадатковы Вывад 1832.12.19. Указам Сената ад 1835.09.30 за №10533 зацьверджаны ў дваранстве Расейскай Імпэрыі і унесены ў 1-ю частку радаводнай кнігі.
Маентак Крычын з канца XVII ст. быў ва ўласнасьці роду Ратомскіх. Недалека адсюль у маентку Дразы нарадзілася маці нацыянальнага героя Тадэвуша Касьцюшкі - Тэкля Ратомская(1718-1768), якая ў маленстве асірацела і выхоўвалася да свайго замужжа ў Крычыне у сваіх блізкіх сваякоў. Пазьней, у канцы XVIII ст. праз шлюб Юзафа Кукевіча Канюшага Аршанскага з Тарэзай Ратомскай згаданы маентак амаль на сто гадоў перайшоў у род Кукевічаў. На выкладзеных здымках помнікаў з Крычына паказаны дзьве жанчыны Ядвіга і Эмілія Кукевічы- гэта дочкі Юзафа Кукевіча. Яго родная праўнучка Марыя Кукевіч праз шлюб з Віктарам Цюндзявіцкім гэрбу "Рудніца" прынесла Крычын у сям'ю Цюндзявіцкіх, уласьнікамі маентка яны сталі ў 1890-х гадах. Апошнімі уладальнікамі Крычына да 1918г. былі Мельхіор і Ян, сыны Віктара Цюндзявіцкага.
Language:
