Вельмішаноўны пане Ўладзіславе,
Дазвольце прывесці колькі інфармацыі пра паходжанне некаторых шляхецкіх прозвішчаў – Кацелло, Козелло, Коцелл ці Козелл. Мо, гэта станецца для вашэці карысным.
Найверагодней згаданыя прозвішчы маюць італійскае паходжанне – Cacciello ад слова “сассіа” (“паляванне”). Напрыклад, у Паноніі (тэрыторыя сучаснай Венгрыі, колішняя правінцыя Рымскай імперыі) быў род князёў Кацеллаў. Прынамсі, у іх у свой час спыняўся Мяфодзій, які кірыліцай нас заклапоціў. Відаць, з-за сваёй чужынскасці прозвішча ня раз было няправільна запісанае і расчытанае.
З павагай,
Альжбета Кулеш