Казьлякоўскія рабілі вывад у Менскім ДДСе, а таксама ў Кіеўскім і потым у Менскім. Відаць, большасьць прадстаўнікоў роду была зацьверджана ў расейскім шляхецтве.
Пры вывадах называлі сваім гэрбам "Сушынскі". Гэты гэрб — гэрб рода Сушынскіх, відаць, гэрб Казьлякоўскіх быў падобны з выгляду, пагэтаму пры вывадзе яго і назвалі так.
Таксама нейкі Сэбасьцян Казьлякоўскі ў 1581 за адвагу пры ўзяцьці Пскова быў набілітаваны (няведама, праўда, чаму, ён павінен быў быць шляхцічам) і атрымаў гэрб са стрэламі і кап’ём. Ягоныя нашчадкі павінны карыстацца гэтым гэрбам, але ці былі яны ў яго, мне не вядома.
У гэрбе "Сушынскі" таксама прысутнічаюць стрэлы. Можна памеркаваць, што ў родавым гэрбе Казьлякоўскіх былі стрэлы, можа яшчэ нейкія элементы. Пакуль ня будзе знойдзены адбітак якой-небудзь пячаткі Казьлякоўскіх, не магчыма дакладна сказаць, як выглядаў іх родавы гэрб.