Добры дзень!
Мая прабабка па-бацьку была княгіняй Свірская (Серафіма Якаўлеўна (Якубаўна), паходзіла з маёнтка Ліпнікі, што цяпер знаходзіцца на тэрыторыі Светлагорскага раёна), ейны чалавек (мой прадзед) - шляхціч Балеслаў Манкевіч гербу "Любіч" (адзін з нашчадкаў гаспадароў мястэчка Шацілкі (цяпер светлагоршчына). Іхную дачку - Юзэфу Баляславаўну Манкевіч аддалі замуж за шляхціча аднекуль з Рэчыцкага павету - Лаўрэнція Конанавіча Харланчука (гэта мой дзед). Нажаль ён загінуў пад час ВАВ і аніякіх стасункаў з яго сваякамі не захавалася. Са слоў нябожчыц прабабкі (Свірскай Серафімы Якаўлеўны) і бабкі (Манкевіч Юзэфы Балеславаўны) Лаўрэнцій Конанавіч Харланчук дакладна быў шляхцічам, ды і памятуючы тое, як ставіліся бабка і прабабка да свайго шляхетнага паходжаньня, не можа быць аніякага сумневу, што маглі аддаць бабку замуж за простага чалавека.
Нажаль мне не вядома якое-небудзь дакументальнае сьведчаньне пра шляхетнасць Хараланчукоў. Можа яны не здолелі падцьвердзіць сваё паходжаньне пад час "разбору шляхты", які ўчыніла Расейская імперыя?
Наконт Свірскіх, то я помню, што прабабка захоўвала нейкую афіцыйную паперу наконт паходжаньня роду. Нажаль калі мне яе паказвалі, то я быў тады яшчэ малы і не магу сказаць што там было напісана, помню толькі, што папера была засьведчана расейскім гербам (мяне тады ўразіў дзьвухгаловы арол і таму гэта ў мяне адбілася), таму можна меркаваць, што яна ўжо выдавалася па выніках "разбору шляхты". Дзе гэтая папера цяпер не вядома. Хутчэй за ўсё яе знішчылі, бо вельмі баяліся за савецкім часам захоўваць такія рэчы.
Language:
